اقىن مۇحامەدجان تازابەك "Qazaqstan" ۇلتتىق تەلەارناسى ەفيرىنەن كورسەتىلىپ جۇرگەن "ءتالىم Trend" باعدارلاماسىنا قارسى ادامدار شىن مانىندە كوپ ەمەس ەكەنىن ايتتى.
ونىڭ سوزىنشە، باعدارلاما توڭىرەگىندەگى شۋ قولدان جاسالعان، ادامداردىڭ توپشىلاۋىنان تۋعان.
اقىن الەۋمەتتىك زەرتتەۋلەر كورەرمەننىڭ 10 پايىزى بەلگىلى ءبىر ءونىمدى جاقسى كورسە، تاعى 10 پايىزى ۇناتپاۋى مۇمكىن ەكەنىن، قالعان 80 پايىز ەكى تاراپتىڭ ءبىرىنىڭ پىكىرىنە قوسىلىپ كەتەتىنىن كورسەتكەنىن اتاپ ءوتتى.
– "ءتالىم Trend" باعدارلاماسىن 100 مىڭداعان ادام قولداپ وتىر. ال قارسى شىعۋشىلار 1 پايىز عانا، – دەگەن ول باعدارلامادا ءدىن تاقىرىبى كوتەرىلمەيتىنىن، ءوزىن ءدىن ادامى ەمەس، اقىن، قوعام قايراتكەرى دەپ سانايتىنىن ايتتى.
سونداي-اق ول باعدارلامانى ۇلتتىق ارنادان كورسەتۋ ويى تەلەارنانى قازىرگى پرەزيدەنت كەڭەسشىسى ەرلان كارين باسقارىپ تۇرعان ۋاقىتتا تۋعانىن، بەلگىلى سەبەپتەرمەن جوبا كەيىنگى قالىپ، ويدى جۇزەگە اسىرۋدىڭ ورايى ەندى كەلىپ جاتقانىن جەتكىزدى.
بۇعان دەيىن Qamshy.kz پورتالى "Qazaqstan ارناسىنان تازابەكتىڭ "ءتالىم" بەرۋىن قولدايسىز با؟" اتتى ساۋالناما جۇرگىزگەن. ساۋالناما ناتيجەسى بويىنشا قاتىسقانداردىڭ 88،7 پايىزى باعدارلاماعا قارسىلىقتارىن بىلدىرگەن.
پىكىر قالدىرۋ